دربار_دل

Kisi Ne Mere Pore Wujood Ko Jaise
Muhabbat Ki Meekhoun Say Thonk
Diya Tha....Aur Main.....Main Zindagi
Mein Pehli Baar Darbaar e Dil Mein
Daakhil Ho Rahi Thi....Aur Wahan Dil
Apne Takht Par Bade Tanaffur Aur
Tamkinat Kay Saath Baraajmaan
Tha....Ajeeb Ghuroor Tha Uske Wujood
Mein....Aur Uske Darbaar Mein Har
Koi Guthnoun Kay Bal Gira Howa
Tha.... Sirf Main Thi Jo Apne Pairon
Par Chal Kar Aayi Thi....Shayid Kabhi
Wo Sab Bhi Apne Pairon Par Chalte
Howe Hi Wahan Aaye Honge....Sirf
Main Thi Jo Apne Pairon Par Wahan
Khadi Thi....Shayid Kabhi Wo Sab Bhi
Wahan Apne Pairon Par Khadi
Honge...Aur Sirf Main Thi Jo Takht Par
Bethe Dil Kay Saamne Khadi Usey
Daikh Rahi Thi....Aur Dil....Uske
Hontoun Par Ajab Muskurahat
Thi....Shayid Wahan Aane Waala Har
Koi Pehle Yunhi Daikhta Hoga...Tanii
Gardan ....Uthi Thouri ....Seedhe
Kandhe....Takht Kay Paar Haathoun Pe
Phaile Baazu....Wo Apne Darbaar Mein
Baadshah Tha....Wo Darbaar e Dil Tha
Aur Main....Main....Main Aakhir Wahan
Kyu Aayi Thi ....Ya Laayi Gayi Thi....
Naam?.....
Meher Sami.....
Omar?....
20 Saal....
Jins?....
Aurat.....
Muhabbat?....
Andhi.....
Maine Chounk Kar Daikha....Wo Kya
Had Jaari Kar Raha Tha Mujhpar???.....
Muhabbat Andhi....Andhi
Muhabbat....Tou Main Andhi
Muhabbat Ka Shikaar Hoi Thi....Kisi Ne
Qehqeha Lagaaya.... Meher
Sami....Rare Species....Blind Love....Is
Darbaar Ka Hukmaraan Mujhe Daikhte
Howe Pasandeedgi Saay Keh Raha
Tha....Pure And Blind Love....Main Isey
Rakhna Chaahonga...Usne Taali
Bajayi....Kisi Ne Mere Wujood Ko
Zzanjeeroun Say Jakrda....Aur Phir
Main Oundhe Moun Farsh Par Giri Padi.......''
Writer : Umera Ahmed.
Novel : Darbaar e Dil. —